More

    Saka Ko Lamang Nalamang Ako’y Nakapatay by Maria Luisa F. Torres

    sa bahay
    may isang dagang
    kay tagal nang
    naghahanap-buhay

    iniihan nito
    ang mga pinggan
    sa paminggalan
    inuubos
    ang tinapay
    nginangatngat
    ang mga librong
    nakasalansan
    binubutas
    ang mga damit
    sa labahan

    kaisa-isang daga
    ito sa bahay
    kaya hinayaan
    na lamang

    nang kainin nito
    ang kendi
    ng anak ko
    naubos
    ang aking pasensiya

    isang gabi
    binantayan ko
    ang daga
    hinintay
    lumabas
    sa lungga
    pinukpok ko
    ng batuta

    pinukpok ko
    muli
    muli’t muli

    nahilo
    nangisay,
    namatay

    bumulwak
    ang dugo

    kinabukasan
    inilibing ito
    ng anak kong
    nagluksa
    sa pagkamatay
    ng kaisa-isang
    daga
    sa bahay

    - Advertisement -
    RELATED CONTENTS
    - Advertisement -
    POPULAR FROM THIS CATEGORY
    - Advertisement -